Presidenti Gjici ka folur për humbjen e djeshme të Kukësit me Austrinë e Vjenës. Numri një i klubit verilindor është shprehur tejet i mërzitur dhe i zhgënjyer sidomos me tre huazimet nga ekipi i Skënderbeut. Kreu i klubit ka bërë një premtim që nuk do të marrë kurrë më lojtarë të huazuar te Kukësi. Gjici paralajmëron që nga skuadra kuksiane do të ketë shumë largime dhe do të qëndrojnë vetëm ata që e meritojnë.
"Nuk do të marr më kurrë lojtarë në formë huazimi te Kukësi. Të tre lojtarët që kemi huazuar ishin shumë të dobët. Goli i parë i Austrisë së Vjenës ishte pozicion jashtë loje. Ndërkohë e gjithë skuadra nuk bëri lojën si ekip, si në ndeshjen e parë në Vjenë. Jam shumë i zhgënjyer dhe në ditët në vazhdim do e merrni vesh. Te Kukësi do të qëndrojë vetëm ai lojtar që e meriton", deklaroi për "Panorama Sport" Gjici.
Lexo gjithashtu
