UEFA ka hapur hetim disiplinor për Shqipërinë pas ndeshjes me Italinë. Shkak për këtë janë bërë transmetimi i një mesazhi provokues, pushtimi i fushës dhe hedhja e objekteve në fushë.
Kujtojmë se ndeshja u mbajt në stadiumin “Signal Iduna Park” të Dortmundit. Mbi 50 mijë ishin tifozë shqiptarë.
Shqipëria e humbi 2 me 1 sfidën e parë në grupin B. Dhe pse Bajrami kaloi kuqezinjtë në avantazh pas 1 minute lojë, axurrët përmbysën me Bastonin dhe Barellan brenda 15 minutave lojë.
Njoftimi i UEFA-s:
"UEFA NIS PROCEDURË NDAJ SHQIPËRISË
Bashkimi Evropian i Futbollit ka nisur një procedurë disiplinore kundër pjesëmarrësit të Kampionatit Evropian, Shqipërisë, për shkak të disa incidenteve. Sipas njoftimit të së dielës, UEFA ka ngritur akuzë për hedhje të objekteve, ndezje të piroteknikës, hyrje të paautorizuar në fushën e lojës dhe përhapje të një mesazhi provokues nga tifozët shqiptarë.
Dhoma e Kontrollit, Etikës dhe Disiplinës së UEFA-s do të merret me ngjarjet e ndodhura gjatë humbjes 1:2 ndaj kampionëve në fuqi, Italisë, të shtunën në Dortmund, dhe do të vendosë për këtë çështje në ditët në vijim.
Gjatë ndeshjes, tifozët shqiptarë kishin ndezur një bombë tymuese. Pak para përfundimit të lojës, një tifoz me flamurin shqiptar kishte vrapuar në fushë. Për më tepër, në tribuna valëviteshin disa flamuj të ndaluar të Shqipërisë së Madhe".
Lexo gjithashtu
