Andrej Kramaric ka folur para ndeshjes mes Kroacisë dhe Shqipërisë. Sulmuesi i kroatëve ka paralajmëruar Shqipërinë që po mendojnë vetëm për fitoren në Hamburg.
“Nuk dua që të bëj llogari për pikët, të cilat na duhen për të kaluar grupin. Nuk kemi as kohë e as dëshirë të bëjmë të tilla llogari. Tani mendojmë vetëm për një fitore në takimin e radhës pasi pa atë nuk mund të shkojmë gjëkundi. Ndeshja e radhës është më e rëndësishmja, prandaj them se për momentin Shqipëria ka vëmendjen tonë të plotë. Prej nesh priten tri pikët, vetëm pas këtij dueli duhet të mendojmë për Italinë”, u shpreh Kramaric.
Kujtojmë se si Shqipëria dhe Kroacia i kanë humbur ndeshjet e para në grupin B. Kroatët u mposhtën 3 me 0 nga Spanja, ndërsa Kombëtarja shqiptare 2 me 1 nga Italia në kuadër të grupit B.
Lexo gjithashtu
