Spanja do të luajë përballë Gjermanisë ndeshjen e vlefshme për fazën çerekfinale të Euro 2024. Supersfida që do të zhvillohet në stadiumin “MHPArena” në Stuttgart këtë të premte, në orën 18:00.
Tashmë UEFA ka bërë zyrtare edhe grupin e arbitrave që do të gjykojnë në këtë ndeshje. Kryesori i kësaj sfide do të jetë anglezi, Anthony Taylor. Ky i fundit është një emër i njohur për shqiptarët, pasi më 26 maj të këtij viti gjykoi finalen e madhe mes Egnatias dhe Partizanit në “Air Albania”.
Asistentët e Taylor në Spanjë – Gjermani do të jenë Gary Beswick dhe Adam Nunn që gjithashtu kanë gjykuar në "Air Albania" në finalen Egnatia - Partizani. Ndërsa si arbitër i katërt është emëruar sllovaku IVan Kruzllak. Në ndihmë të Taylor nga sistemi VAR do të vijë anglezi, Stuart Attwell.
Lexo gjithashtu
