Tashmë jemi vetëm 2 ditë larg startit të Euro 2024. Kombëtarja shqiptare është një prej ekipeve që do të jetë protagoniste në Gjermani. Kuqezinjtë ndodhen në një grup të vështirë bashkë me Italinë, Kroacinë dhe Spanjën.
Sylvinho dhe ekipi i tij kanë marrë vëmendjen e mediave të huaja. Mediat italiane kanë nisur të bëjnë llogaritë dhe për çdo ekip të grupit B kanë zgjedhur “yllin” e skuadrës. Kështu te Shqipëria atë theksojnë se Armando Broja është “ylli” i kuqezinjve.
Pavarësisht dëmtimit dhe aventurës jo të mirë që kaloi te Fulham, Broja sërish ka marrë mendjen e italianëve. Kjo edhe për shkak të interesimit të Milan. 22-vjeçari është në qendër të projektit të Sylvinhos dhe në këto kushte pritet shpërtimi i tij në Euro 2024.
Lojtari më i mirë i Italisë konsiderohet portieri Gianluigi Donnarumma, ndërsa te Spanja “yll” kosiderohet rodri, i cikli me Manchester Cityn është shpallur kampion në Premier League. Ndërkohë nga ana tjetër te Kroacia është padiskutim Luka Modric. Veterani i Real Madrid që nuk lodhet kurrë në mesin e fushës dhe do të synojë që të bëjë maksimumin në Euro 2024.
