Cristiano Ronaldo vazhdon që të thyejë rekorde dhe të mahnisë botën e futbollit. Ylli portugez është lojtari i parë në histori që ka marrë pjesë në 6 Europianë, duke filluar që nga Euro 2004. Gjithashtu, CR7 është edhe lojtari me më shumë asistime në historinë e këtij turneu, me 7 të tillë.
Por ndeshja e fundit në fazën e grupeve që Portugalia e Ronaldos luajti kundër Gjeorgjisë, vendosi një rekord negative për sulmuesin e Al Nassr. Ky i fundit mbylli për herë të parë pa gola fazën e grupeve të një Europiani apo Botërori, gjë që ndodh për herë të parë në karrierën e tij.
Në 5 Europiane dhe 5 Botërore të luajtura më parë, 39-vjeçari ia kishte dalë që të shënonte gjithmonë në fazën e grupeve, por në Euro 2024, këtë fazë e mbylli me vetëm një asistim. Një rekord që i shtohet “librave” të CR7, por kësaj here negativ.
Euro 2004 – 1 gol
Botërori 2006 – 1 gol
Euro 2008 – 1 gol
Botërori 2010 – 1 gol
Euro 2012 – 2 gola
Botërori 2014 – 1 gol
Euro 2016 – 2 gola
Botërori 2018 – 4 gola
Euro 2020 – 5 gola
Botërori 2022 – 1 gol
Euro 2024 – 0 gola
Lexo gjithashtu
