Italia zhvilloi një ndeshje miqësore ndaj Turqisë dhe kjo përballje është ngulitur thellë në memorien e Riccardo Calafiori. Ky i fundit debutoi me fanelën e “Azzurre” dhe përjetoi emocionet e para me fanellën e italianëve në fushën e lojës.
22-vjeçari i Bolognas shpreson që të jetë i përzgjedhuri i Luciano Spallettit për Euro 2024. Mbrojtësi mori në ftesë nga timonieri italian në listën paraprake për Euro 2024 dhe tashmë “kryqëzon gishtat’ të jetë në finalet e Kampionatit Europian.
“Debutimi me kombëtaren ishte shumë emocionues, pata një ndjesi shumë të bukur dhe e ndjeva ngrohtësinë e tifozëve kur u futa në fushë. Për mua është një ëndërr që u bë realitet.
A do të jem me kombëtaren në Euro 2024? Unë jam mësuar t’i vendos vetes objektiva të rëndësishëm, por në të njëjtën kohë edhe të mos kem shumë pritshmëri. Nuk ka të bëjë me përulësinë, por kështu sido që të shkojë nuk zhgënjehem. Mendoj se Spalletti ende nuk ka vendosur për listën finale, ndaj dua të vazhdojë dhe të bëj mirë.
Para tre vitesh, Europianin e ndiqja nga shtëpia dhe pasi fituam dola të festoja. Tani jam këtu, por për këtë punojmë çdo ditë”, u shpreh Calafiori.
Lexo gjithashtu
