Mërgim Vojvoda këtë sezon duket se ka marrë përsipër shumë përgjegjësi, teksa është shndërruar menjëherë në protagonist në sezonin e ri me fanelën e Torinos. Lojtari “Dardan” shënoi gol që në sfidën e parë të sezonit, në Kupën e Italisë duke i dhënë mundësinë torinezve të kalojnë në turin tjetër pas fitoren 2-1 ndaj Feralpisalo.
Vojvoda gjithashtu luajti titullar edhe ndaj Cagliarit, teksa ekipet nuk shkuan më shumë se barazimi 0-0 mes tyre. 28-vjeçari ka folur pas kësaj ndeshje, ndërsa thekson se tashmë është i fokusuar te Torino dhe nuk mendon aspak për merkaton.
“Cagliari zhvilloi një ndeshje të fortë sidomos në aspektin difensiv. Gjithsesi, krijuam rastet tona dhe mungoi vetëm goli. E dinim mirë rreshtimin e kundërshtarit, pritej që të qëndronin në mbrojtje dhe nuk mund të fitonim 5-0. Provuam edhe me goditjet nga distanca, por nuk na eci.
Merkato? Unë ndjehem shumë mirë te Torino, jam i lumtur dhe nuk e mendoj merkaton. Me trajnerin Juric mësoj shumë dhe marrëdhënia jonë është gjithmonë e më e mirë”, ka theksuar Vojvoda.
Lexo gjithashtu
