Trajneri i Partizani, Zoran Zekic, foli në konferencën për shtyp përpara derbit me Dinamon nesër në orën 18:00 në Elbasan Arena.
Dinamo vjen në këtë përballje pa asnjë pikë. Motivimi juaj?
Nëse flasim për motivimin është kryesorja për ekipin dhe vetëm për këtë duhet të mendojmë. Duhet të kemi respekt për veten tonë dhe për kundërshtarin.
Sa e njihni ekipin e Dinamos, pikat e dobëta dhe të forta?
Unë kam parë ndeshje të vjetra, tani ka pasur ndeshje çdo 3 ditë dhe ne po përgatitemi gjatë gjithë kohës taktikisht dhe ndonjëherë duhet të mendojmë për performarmancën, dhe natyrisht jo të flasim për të mirat e të këqijat e Dinamos. Në analizën që do bëjmë duhet ti tregoj lojtarëve si do të luajnë nesër.
Ndeshjet çdo 3 ditë? Për mua është shumë mirë të luash futboll çdo 3 ditë, për mua është më mirë të luash në Europë, por nesër do të luajmë kundër Dinamos dhe më pas kundër Tiranës. Motivimi dhe përqëndrimi duhet të jenë në maksimum që konkurrimi të jetë në nivel të lartë.
Mba është gati ta nis ndeshjen nga minuta pare? Të gjithë janë gati të luajnë. Përsa i përket Mba mendoj se deri tani ende nuk është në 100% të formës, por jam shumë i lumtur me Da Silvën dhe Mensah të cilët janë duke punuar mjaft mirë dhe ti kemi sa më shpejt, pasi nuk kemi shumë kohë.
Grezda dhe Hadroj? Ju e dini që Grezda është një futbollist shumë i mirë, Grezda ka qenë pjestar i ekipit kombëtar. Unë e njoh Grezdën në kohën më të mirë kur luante te Osijek. Më pas në këto 5 vite ai ka patur mjaft probleme dhe tani është si një fillim i ri për të. Jam i sigurt që në të ardhmen ai do të jetë sërish në nivele të larta siç ne e dëshirojmë. Hadroj do jetë jashtë për ndeshjen e nesërme.
Në këto javë Partizani ka shënuar vetëm 2 gola dhe pësuar vetëm 1.
Në jetë mund të mësosh shumë gjëra, sigurisht nuk është se jam shumë i kënaqur me këtë situatë, por kështu është jeta, disa herë mund të shënosh dhe disa herë jo. Por duhet të provosh dhe duhet të luash për të krijuar shanse, edhe pse ndonjëherë nuk është e lehtë. Por nëse je i përqëndruar dhe ti e beson atë atëherë do të shënohet gol. Goli që pësuam ndaj Egnatias ishte një ekzekutim perfekt. Mendoj se ajo goditje ishte fantastike dhe vështirë të përsëritet.
Lexo gjithashtu
