Erzeni i ka dhënë dorën e fundit përgatitjeve para ndeshjes kundër Egnatias. Klubi shijakas përmes një njoftimi në kanalin zyrtar tregon se të besuarit e trajnerit Kapllani janë gati për të bërë më të mirën ndaj rrogozhinasve.
Gjithashtu një autobus është vendosur në dispozicion të tifozëve për të mbështetur në stadium ekipin e tyre të zemrës. Në njoftimin për mediet thuhej:
"Ndeshja e nesërme ndaj Egnatias. (e premte 15:00, stadiumi “Niko Dovana” Durrës)
Djemtë tanë kanë kryer sot stërvitjen e fundit në “Tofik Jashari” për sfidën e javës nën urdhrat e trajnerëve dhe pergatitësit atletik.
Ekipi ynë është i mobilizuar në maksimum. Ftojmë të gjithë tifozët dhe dashamirësit të na mbështesin masivisht. Gjithashtu bëjmë me dije se do të ketë 1 autobus falas për tifozët që duan të suportojnë në stadium ekipin tonë (nisja ne oren 13:00)".
Lexo gjithashtu
