Erzeni emëron italianin Vitobello si ndihmës të Bubeqit

Shijakasit nuk ndalen në merkaton e verës. Ata kanë nisur të përforcohen në të gjithë repartet, ndërsa sot kanë plotësuar stafin teknik. Ndihmës i Dorian Bubeqit këtë sezon do të jetë italiani Francesco Vitobello.

Ky i fundit pati themeluar sezonin e shkuar ekipin e të rinjve Juvenilia në Durrës, ku ka ndërtuar së bashku me disa italianë të tjerë një akademi futbolli për zbulimin dhe rritjen e talenteve. Ai u dallua nga drejtuesit e Erzenit, të cilët tashmë e kanë marrë në staf italianin.