Endri Vrapi, ish-qendërmbrojtësi i Partizanit, i kontaktuar nga newsport.al ka folur për skuadrën e kuqe. Vrapi është shprehur i befasuar nga paraqitja e "demave" në Champions League. Sipas tij të besuarit e Sormanit kanë dhënë më shumë se sa pritej.
"Paraqitja e tyre ka qenë pozitive për vetë faktin që pas disa vitesh rikthehen në kupat e Europës, nuk është e lehtë dhe për momentin janë duke u paraqitur mbi nivelin mesatar. Për mendimin tim kanë dhënë më shumë se sa pritej", tha Vrapi.
Gjithashtu Vrapi kujton kohën e tij me skuadrën e kuqe, dhe ka një mesazh të qartë për ish-drejtorin Dritan Dervishin.
"Nisem një punë të mirë para dy vitesh me trajnerin Duro dhe më pas me Starovën, po nga dy fazat e dyta erdhi "misteri" Dritan Dervishi dhe bëri revolucion dhe largoi disa nga lojtarët nga të cilët isha dhe unë. Atë kohë ishim në vend të dytë dhe pasi mori frenat e ekipit, zotëria mbushi gjithë opinionin që Partizani do dali kampion dhe ne që u larguam na u bë qejfi se menduam mos ishim ne e keqja, por u vërtetua që nuk ishim ne. Prapë Partizani e përfundoi i dyti dhe u pa qartë që ai kishte vetëm fjalë dhe koha e vërtetoi që trajneri Starova nga statistikat ishte më i mirë se drejtori Dervishi", shton 34-vjeçari.
I pyetur për tifozët e Partizanit, Vrapi i cilësoi të mrekullueshëm, por nuk harroi të përmendte dhe skuadrën e tij, Vllazninë me të cilën do të luajë edhe këtë sezon.
"Tifozët e Partizanit janë të mrekullueshëm sepse janë anembanë Shqipërisë.
Gjithashtu dua të them që tani ndodhem prapë me një ekip si Vllaznia dhe shpresoj që dhe Vllaznisë t'i vijë dita dhe të shkojë aty ku e meriton", përfundoi Endri Vrapi.
Lexo gjithashtu
