Henrikh Mkhitaryan ka folur për momentin që po kalon tek Inter. Për “DAZN” armeni ka rrëfyer se ëndrra e tij është fitimi i Serie A me zikaltrit. 34 vjeçari erdhi në merkaton e verës në Milano nga skuadra e Romës. Me Inter ai ka luajtur 19 takime duke shënuar 1 gol dhe dhënë 1 asist. Mkhitaryan ka qenë pjesëmarrës pothuaj në çdo ndeshje, qoftë si titullar qoftë si zëvëndësues.
“Kritikët e parë jemi ne vetë”, ka folur Mkhitaryan, “ne e dinim se ku mund të përmirësoheshim në fillim të sezonit, folëm dhe kuptuam njëri-tjetrin, e rëndësishme është çfarë do të bëjmë. Sekretet nuk do t’ua zbuloj, po ka pasur momente përballjeje në dhomat e zhveshjes, po ajo që ndodhi do të mbetet aty. Ne jemi një familje dhe në një familje gjithçka mund të ndodhë. E rëndësishme është që ne biseduam dhe ramë dakord se si të ecim përpara, duke luftuar për këtë fanellë.
Titulli? Ëndërroj të fitoj Scudetton e 20-të me Interin dhe premtoj se nëse ndodh kjo do të këndoj një këngë të Albanos”, ka përfundura Mkhitaryan.
Lexo gjithashtu
