Përpara nisjes së edicionit të ri të Superligës së Kosovës në datën 18 gusht, skuadra e Llapit organizon një miqësore të veçantë.
Në faqen zyrtare të klubit nga Podujeva njoftohet se ekipi llapjan ndeshet me përfaqësuesen e Çamërisë me qëllim solidarizimin për ndjenjën e përbashkët kombëtare. Megjithatë nuk dihet nëse ndeshja do të luhet sot apo nesër. Mund të jetë një lapsus i klubit, pasi në komunikatën e postuar përpara një ore, shkruhet se takimi do të organizohet sot, kurse data i përket ditës së djeshme.
“Miqësore: Llapi – Përfaqësuesja e Çamërisë Ndeshja është e karakterit miqësor kombëtar.
Podujevë, 13 gusht 2018 – Llapi nesër do të zhvillojë miqësore me karakter kombëtar ndaj Përfaqësueses së Çamërisë e cila u formua më 10.05.2018. Ndeshja zhvillohet në stadiumin “Zahir Pajaziti” dhe nis nga ora 17:00″.
Edhe pse nuk njihet nga organet europiane dhe botërore të futbollit, takimi nuk ka karakter zyrtar, por patriotik.
Loading ...
