Këtë të premte, Tirana do të jetë e ftuar në ndeshjen e vitrinës, në atë takim ku veç çdo gjëjë rëndësi në fund ka triumfi. Në fund të fundit, një derbi është bërë për t'u fituar. Pas gjashtë vitesh jo të sukseshme në ndeshjen kundër rivalëve të përjetshëm të Partizanit, bardheblutë e shohin veten në një situatë të ngjashme me vitin 2015.
Ka qenë fundmaji i këtij viti, kur stoli i Tiranës kalonte një situatë të ngjashme me atë aktuale. Pa trajner dhe në fund të atij sezoni 2014-15, drejtuesit bardheblu do t'ia besonin ekipin Emannuel Egbo. Ish portieri i Tiranës nuk do të zhgënjënte. Një ndeshje, një gol dhe tri pikë.
Përballë në mitikun "Qemal Stafa" asokohe, do të ishte Teuta, në një ndeshje pa shumë pretendime pasi gjërat ishin të zgjidhura. Bardheblutë vinin në takimin e fundit të sezonit duke mbajtur vendin e katërt, ndërsa Teuta në të pozicionin e tetë. Ajo që ka rëndësi përpara derbit të së premtes është situata e njëjtë me pankinën bardheblu.
Largimi i trajnerit Ahmataj e ka vendosur sërish Egbo në situatë të njëjtë si përpara katër vitesh, këtë herë me të tjera përmasa. Përballë është Partizani. Egbo ia ka dalë në 2015 dhe si për koiçidencë ka qenë e premtë, luhej në "Qemal Stafa". Në stolin e Tiranës si trajner kryesor, Egbo është 100 përqind fitues. Një ndeshje, një fitore dhe tre pikë. Sigurisht, kohët dhe objektivat janë të ndryshme por pas kaq vitesh mungese të "Qemal Stafës", Emanuel Egbo rikthehet në të njëjtin truall. /Newsport.al/
Lexo gjithashtu
