Akademia e Futbollit Elbasani do zëvendësojë historinë e Elbasanit në futboll. Të zhytur në borxhe dhe në krizë futbollistike, bashkia e qytetit pak javë më parë vendosi të shkrijë skuadrën aktuale dhe ngritjen e një ekipi të ri, nën emrin AF Elbasani.
Në drejtim të këtij ekipi, Bashkia që është edhe pronare e skuadrës ka zgjedhur drejtuesit. Administrator do jetë Marenglen Çoku, ndërsa trajner do jetë i mirënjohuri Gentian Stojku, ish-futbollist i verdhebluve në 2006, kohë kur skuadra u shpall kampione e Shqipërisë.
Zëvendës i tij do jetë Elton Ceno, teksa trajner i portierëve Elvis Kotorri. Ky i fundit me një karrierë të gjatë në katërkëndësh. Pritet që skuadra të afrojë edhe lojtarët e parë, ndërsa do nisë gjithçka nga zero dhe nga Kategoria e Tretë.
Lexo gjithashtu
