Arapi dhe Vangjeli tashmë nuk janë zyrtarisht lojtarë të Skënderbeut. Drejtuesit e klubit korçar kanë konfirmuar edhe ikjen e mbrojtësit të djathtë, lajm i dhënë ekskluzivisht nga newsport.al, për te Astra Ploeshti, ekipi kampion i Rumanisë. Por nuk mbyllet me kaq, sepse të tjera largime janë në prag. Emrat nuk përmenden ende, por është e qartë se me valixhe në duar janë ata që kanë oferta nga jashtë, Latifi dhe Nimaga. Megjithatë, mund të ketë edhe titullarë të tjerë, që sezonin e ri nuk do të veshin më fanellën e Skënderbeut. Deri tani janë 3 largimet zyrtare, duke nisur nga Shkëmbi, që është tërhequr nga futbolli i luajtur, për të vazhduar me Arapin dhe Vangjelin. Në radhë për të lënë ekipin korçar është edhe sulmuesi Hamdi Salihi. Situatë që i shpqetëson jo pak tifozët e Skënderbeut, që janë mësuar me një ekip trofesh.
Lexo gjithashtu
