Marjo Kola ishte zbulimi i Oltion Kërnajës këtë sezon te Kukësi U21. Sulmuesi shkëlqeu në kampionatin e kësaj grupmoshe duke shënuar 9 gola, një prej tyre për kornizë, nga goditja e dënimit në ndeshjen ndaj Bylisit.
Performancat e tij të mira bënë që të debutonte edhe me ekipin A të Rraman Hallaçit, përsëri ndaj ballshiotëve në javën e 34-të të kampionatit. 22-vjeçari tashmë do të bëhet pjesë e futbollit profesionist, por jo me Kukësin.
Burime të besueshme pranë lojtarit, bëjnë me dije për Newsport.al se Kola do të bashkohet me Burrelin në Kategorinë e Parë. Ekipi matjan siguroi mbijetesën falë trajnerit Bubeqi i cili është konfirmuar tashmë në stolin e skuadrës.
Poll
Lexo gjithashtu
