Klodian Nuri është një nga lojtarët e Partizanit B që po shkëlqen nën urdhrat e trajnerit Genc Mahmutaj. Mesfushori 22-vjeçar ka tërhequr vëmendjen e drejtuesve të skuadrës së Pobedës.
Newsport.al mëson ekskluzivisht se kanë nisur bisedimet mes futbollistit të kuq dhe drejtuesve të këtij ekipi që në merkaton e janarit ai të transferohet në Maqedoni.
Vetë lojtari po kalon një formë mjaft të mirë, megjithatë stafi teknik i skuadrës së parë nuk e ka hë për hë në planet e tij. Kjo mund të ndikojë që 22-vjeçari mos ta mendojë dy herë, por t'i thotë "po" skuadrës maqedonase.
Newsport.al ka mësuar gjithashtu se për Nurin interesohen edhe dy skuadra nga Superiorja, por momentalisht emrat nuk bëhen të ditur. /Newsport.al/
Poll
Lexo gjithashtu
