Klodian Nuri pritet të vijojë karrierën me Korabin në Kategorinë e Parë. Burime të besueshme pranë lojtarit bëjnë me dije për Newsport.al se futbollisti ka arritur marrëveshjen me klubin dhe do të nisë një aventurë të re në Dibër.
Nuri është prodhim i Shkëndijës së Tiranës ndërsa ka provuar aventura edhe me klube të tjera si Partizani, Elbasani, Oriku, Vora, Dinamo e Besa ndërsa sezonin e fundit ishte pjesë e Lushnjes duke kontribuar në sigurimin e mbijetesës në Kategorinë e Parë.
Tashmë 28-vjeçari do të vihet nën urdhërat e trajnerit Shpend Kumbarçe dhe do të bashkohet me grupin për të nisur fazën përgatitore për edicionin e ri. Mesfushori me tipare sulmuese bëhet kështu afrimi i 5-të në merkato ndërsa pritet vetëm zyrtarizimi nga klubi.
Lexo gjithashtu
