Superndeshja e javës së 11-të dhe e fundit e fazës së parë të Kategorisë së Parë është ajo mes Elbasanit dhe Bylisit, të dielën në orën 17:00 në ‘Elbasan Arena’.
Një sfidë që ia vlen për tu parë dhe shijuar pasi ‘përplasen’ më njëra tjetrën dy ekipet që kryesojnë tabelën e renditjes. Në vendin e parë janë ballshiotët me 26 pikë, ndërsa në vendin e dytë janë “Tigrat” me 22 të tilla.
Dy ditë para kësaj sfide, ka folur drejtori sportiv i Elbasanit, Elton Guranjaku. Ky i fundit vlerëson maksimalisht ekipin kundërshtar, teksa ka besim tek ‘arma’ e tyre, tifozët.
“E vlerësojmë kundërshtarin, por ndaj Bylisit do të masim forcën. Luajmë në shtëpinë tonë, në një fushë ku ne mund të japim më të mirën. “Elbasan Arena” do të jetë e vështirë për çdo ekip, ndërkohë që ne kemi armën tonë shtesë: tifozerinë më të mirë në Shqipëri!”, është shprehur Guranjaku.
Lexo gjithashtu
