Partizani fitoi ditën e djeshme me Kastriotin me rezultatin e thellë 5-1 e cila u pasua me dhuratën e Bylisit që ndali Tiranën në barazim. Të kuqtë rimarrin kështu kreun e kampionatit vetëm 1 javë nga fundi dhe kanë mundësinë e artë të kurorëzohen kampion për herë të 17-të në histori.
Titullari, lideri dhe mbi të gjitha, kapiteni i ekipit, Bruno Telushi është vetëm 90 minuta larg të ngrejë lart trofeun për të cilin ka rivalizuar sekond për sekond me Tiranën nga java e parë deri te ajo e fundit ditën e hënë.
Sot është zgjuar i lumtur,sigurisht dhe teksa ulet për të pirë kafen e mëngjesit hap edhe lexon ato letrat me thënie motivuese. Ajo që ka lexuar duket se i ka pëlqyer shumë saqë e ka postuar në rrjetin e tij social duke shigjetuar pikërisht rivalët bardheblu.
"E vështirë të luftosh dikë që nuk dorëzohet asnjëherë", shkruhet në letër.
Lexo gjithashtu
