Një episod aspak i këndshëm ka ndodhur sot në Kosovë, gjatë stërvitjes së skuadrës së Feronikelit. Trajneri i këtij ekipi, Klodian Duro është bërë protagonist për keq. Sipas gazetës Olle, Duro ka tallur trajnerin e portierëve të klubit, Burim Sadiku, për shkak të fesës muslimane që praktikon.
Gjithçka filloi kur Kapiteni Lapidar Lladrovci e përshendeti me “Selam Alejkum” Sadikun. Në ato momente, Duro shprehet: “Nuk mund ta kuptoj ju kur të faleni si ka mundësi që të përkuleni para dhe t’i ngritni vithet prapa!”.
Nuk dihet se cili do jetë vendimi i Klubit për atë çfarë ndodhi sot, e diçka zyrtare mund të kemi më vonë. Ajo çfarë bëri Duro sot, nuk është e hijshme, e gjëra të tilla nuk kanë vend jo vetëm në futboll, por as në jetën e përditshme.
Loading ...
