Sporti shqiptar ka marrë një lajm të trishtë.
Legjenda e mundjes, Mirash Vuksanin është ndarë nga jeta në moshën 84 vjeçare duke lënë padiskutim pas një karrierë të suksesshme. I lindur në vitin 1935, Vuksani iu fokusua mundjes që në moshë të hershme.
Por e nisi menjëherë si një kampion i madh. E fillon karrierën me Partizanin me të cilin stërvitet nga 1960 deri më 1965 dhe është një kampion i padiskutueshëm.
Më pas, kthehet në Shkodër dhe konkurron për Vllazninë, ku sukseset nuk kanë të ndalur. Në peshën e tij mundja klasike nuk njeh kampion tjetër. E nis karrierën si kampion dhe do ta mbyllte si i tillë. Forca fizike, u alternua mjaft mirë me teknikën dhe për rrjedhojë Mirash Vuksani nuk njihte rivalë në tapet.
Pas lënies së sportit, Vuksani u nderua me Sportklub Vllaznia si “Sportisti i shekullit”, Ceremonia e varrimit te tij do të zhvillohet ditën e premte (sot) në orën 14.00.
© 2024 News Sport - Dev by Aplikacione.com.