Flamurtari kërkon të përforcohet në këtë merkato dimri, teksa drejtuesit synojnë lojtarë që e njohim mirë kampionatin shqiptar për të bërë të mundur edhe ngjitjen në Superiore. Vasil Shkurtaj është “ëndrra në sirtar” e vlonjatëve.
Drejtuesit e tentuan edhe në merkaton e verës, por nuk ia dolën dot të bindin sulmuesin. Tashmë është kthyer sërish në qendër të vëmendjes te kuqezinjtë. Ish-sulmuesi i Laçi në fakt është një dëshirë e Sinan Idrizin dhe mësohet se bisedimet mes palëve kanë nisur.
Në Vlorë janë në kërkim të një sulmuesi “9” që të merrte mbi super përgjegjësitë e golave. Për të siguruar shërbimet e tij, drejtuesit janë të gatshëm të bëjnë edhe një sforco financiare për të bindur sulmuesin t’i thotë “Po” ofertës së tyre. Mbetet të shihet nëse Shkurtaj do të vihet nën urdhrat e Dritan Resulit për pjesën e dytë të sezonit, apo sërish vlonjati do të refuzojë skuadrën e vendlindjes së tij.
Aktualisht lojtari është pjesë e ENAD, skuadër që militon në kategorinë e dytë në Qipro. Sulmuesi ka kontratë deri në qershor të vitit 2025.
Lexo gjithashtu
