Yaya Toure dikur ka luajtur së bashku me Lionel Messin tek Barcelona. Ish-mesfushori e la futbollin profesionist të luajtur në vitin 2020 dhe filloi kursin për trajner. Ai foli për një rikthim të mundshëm të Leos në Katalonjë. Kjo është një temë shumë e nxehtë këto ditë dhe duket se rikthimi i Messit tek Barça është shumë i mundshëm.
“Nëse ai kthehet unë do të isha i surprizuar” thotë Toure për MARCA. “Por në futboll ne nuk e dijmë se çfarë ndodh. Çdo gjë që ka bërë Messi në karrierë është impresionuese. Ai ka bërë gjithçka përfshirë edhe fitoren e Kupës së Botës. Nga çfarë shoh në shtyp nuk e di nëse do të qëndroj në Paris apo do të kthehet. Le të shohim çfarë do ndodh.
Barça do të ishte shumë mirë për të. Unë e shoh Messin duke e përfunduar karrierën vetëm tek Barcelona. Por nuk e di se çfarë do ndodhi me të sepse ai ka akoma një kontratë, shohim çfarë ndodh vitin tjetër”, u shpreh Toure.
Lexo gjithashtu
