Drejtuesit e Salernitanës nuk e kanë toleruar humbjen ndaj Leçes dhe kanë shkarkuar trajnerin Fabio Liverani. Nga klubi italian nuk ka asgjë zyrtare, por bashkëpunimi mes tyre dhe teknikut mesa duket ka marrë fund.
Liverani e mbyll aventurën e tij te Salernitana vetëm pas 1 muaj pune. Kujtojmë që 47-vjeçari u ul në pankinën e klubit vetëm në shkurt të këtij viti, teksa sot, 1 muaj më vonë ai largohet për shkak të rezultateve të dobëta.
Fabio Liverani qëndroi në krye të Salernitanës në 5 ndeshje, ku mori vetëm 1 pikë, teksa 4 të tjerat i humbi. Momentalisht ekipi ndodhet në vendin e fundit në Serie A dhe sipas mediave italiane pritet që në pankinë të rikthehet Filippo Inzaghi.
Poll
Lexo gjithashtu
