Kukësit nuk i del inati me Andi Koçin. Pas reagimit në kanalin zyrtar, tashmë është Naim Halili që ka “dy fjalë” për gjyqtarin e njohur të Superiores.
Ai ironizon arbitrin durrsak, pas humbjes 2-1 me Egnatian. Në një postim të bërë në faqen zyrtare në Facebook, shefi i klubit kuksian shkruante:
“Nuk mbahet puna me miq. Thjeshtë po jap një mendim, kur të hiqet stema e FIFA-s, atëherë lërë këtë profesion, merru me diçka tjetër bashkë me atë tjetrin në VAR.
Jam i bindur që ju nuk jeni për këtë profesion. Inatet personale nuk mund t’i nxjerrësh tek të pafajshmit. Kjo është e kuptueshme, edhe për ata që nuk marrin vesh nga futbolli fare.
Dhe sidomos me kartonat e verdhë duke ngarkuar lojtarët, por nuk do të keni shans të arbitroni më ekipin sepse ju jeni të shpallur “Non Grata” nga ekipi i Kukësit”.
[caption id="attachment_711149" align="alignnone" width="674"]
Postimi i Naim Halilit[/caption]
Lexo gjithashtu
