Matija Dvornekoviç do të luajë sezonin e ri me skuadrën islandeze të Fimleikafelag Hafnarfjardur.
Ish-mesfushori i Kukësit ka firmosur për kampionët e Islandës, ndonëse pak ditë më parë ai nënshkoroi me ekipin e HNK Gorica në Kroaci.
Me këtë të fundit duket se e ka zgjidhur kontratën, ndërsa siç duket edhe në Ëikipedia, Dvornekoviç do të jetë pjesë e skuadrës së Hafnarfjardur.
Tashmë, Dvornekoviç do të ketë mundësinë të luajë në play-off të Europa League, teksa skuadra islandeze do të përballet me portugezët e Braga-s.
Hafnarfjardur u eliminua në fazën e tretë të Champions League nga skuadra sllovene e Maribor.
Dvornekoviç qëndroi një sezon e gjysmë me Kukësin dhe u shpall kampion sezonin që sapo përfundoi.
Megjithatë, ai u largua i pari nga kampionët në fuqi të Superligës, pasi drejtuesit e skuadrës së Kukësit nuk e përfshinë në planet e tyre për sezonin e ardhshëm duke e larguar si të padëshiruar.
Paraqitjet e tij me luhatje gjatë sezonit të shkuar, duket se ndikuan në vendimin e drejtuesve të Kukësit për të mos i rinovuar kontratën futbollistit kroat, prej të cilit pritej më shumë.
Lexo gjithashtu
