Egnatia po vijon përgatitjet për debutimin e tyre në Conference League, më 13 korrik ndaj Ararat-Armenia. Rrogozhinasit po punojnë që të ndërtojnë një skuadër sa më të denjë për të bërë një paraqitje të mirë në aventurën e tyre të parë Europiane.
Grupi është i plotë dhe në merkato do të ndërhyjnë vetëm për ndonjë lojtarë që rrit ndjeshëm nivelin e cilësisë. I tillë është edhe Vusal Isgandarli. Sulmuesi azer, i cili luajti sezonin e fundit me Sumqait në Azerbajxhan, ka një akord me klubin rrogozhinas.
27-vjeçari luan në të tre pozicionet e sulmit dhe në 34 ndeshje këtë sezon ka shënuar 6 gola e 4 asiste. Vlera e tij në treg është 400 mijë euro dhe ka edhe një vit kontratë me klubin e tij ndaj mbetet të zbulohet se si kanë vepruar rrogozhinasit pasi marrëveshja është kryer, mungon vetëm firma për të zyrtarizuar gjithçka.
Lexo gjithashtu
