Elbasani menjëherë sapo u ngjit në Kategorinë e Parë, nisi nga puna për të krijuar skuadrën që nuk do të jetë thjeshtë vizitore në këtë nivel. Drejtuesit duan rikthimin sa më shpejtë në elitë dhe po përgatiten të hyjnë fuqishëm në merkato.
Pas caktimit të trajnerit të ri, Nevil Dede, klubi tano po fokusohet te lojtarët e rinj me disa emra të bujshëm që kanë qarkulluar në media. Deri tani janë afruar Rei Zaimi dhe Kledis Hida ndërsa i treti do të jetë Albi Xhebrahimi.
Sulmuesi është një emër i njohur pët trajnerin Dede teksa e ka stërvitur më parë tek Erzeni duke u siguruar edhe ngjitjen në elitë. Mbetet vetëm zyrtarizimi nga klubi dhe ish-lojtari i Dinamos, Korabit, Ilirisë dhe së fundmi Tërbunit do të jetë pjesë e skuadrës për sezonin e ri.
[caption id="attachment_696674" align="alignnone" width="619"]
Albi Xhebrahimi[/caption]
Lexo gjithashtu
