Victor Osimhen rinovoi para disa muajsh kontratën me Napolin deri në vitin 2026. Por pavarësisht kësaj, sulmuesi nigerian do të largohet nga italianët në fund të sezonit aktual.
Diçka të tillë e ka konfirmuar vetë presidenti i Napolit, Aurelio De Laurentiis. Në një deklaratë të thënë së fundmi, presidenti i napolitanëve është shprehur qartë, se Osimhen do të largohet.
“Negociatat tona të rinovimit ishin të gjata dhe miqësore. Bisedimet u zvarritën disi, por ne e dinim shumë mirë se ai do të shkonte te Reali, PSG ose në Angli”, është shprehur De Laurentiis.
Kujtojmë që sulmuesi 25-vjeçar u transferua te Napoli në vitin 2020. Italianët paguajtën te Lille plot 75 milionë euro për të siguruar shërbimet e Osimhen. Teksa klauzola aktuale e lojtarit është 180 milionë euro. Pritet të shihet se cili klub do të bëjë një sakrificë të tillë ekonomike, për të blerë nigerianin.
Lexo gjithashtu
