Drilon Hazrollaj është në qendër të vëmendjes këtë merkato. Talenti i Kosovës ka dhe 1 vit e gjysmë kontratë me Malishevën. Për këtë fakt, klube të mëdha në Shqipëri dhe jo vetëm, kanë lëvizur për ta bërë pjesë të skuadrës. Kështu Newsport.al raportoi për një interesim të Ballkanit fillimisht. Në Suharekë Ilir Daja ka dhënë aprovimin për 19-vjeçarin, që e ka sezonin e dytë pozitiv.
Pas Ballkanit, klube nga Shqipëria janë përfolur për afrimin e tij. Tirana ra në sy, ndërsa u përmend ndër të tjera dhe Dinamo. Malisheva po shqyrton me kujdes ofertat gjatë kësaj periudhe.
Së fundmi, Drilon Hazrollaj duket se i ka “shkelur syrin” Partizanit. Ai ka ripostuar kalimin e Redon Ismailit te kampionët e Shqipërisë. Ky i fundit, 21-vjeç, shihet gjithashtu me shumë të ardhme dhe bashkë me Hazrollajn janë pjesë e kontigjentit U-21 të Kosovës.
Kujtojmë se te Malisheva u afrua në verën e vitit 2022. Vetëm gjatë këtij sezoni ka shënuar 8 gola dhe ka asistuar 5 herë. Hazrollaj fitoi dhe çmimin “Talenti i Vitit 2023” në Kosovë.
[caption id="attachment_718261" align="alignnone" width="467"]
Postimi i Drilon Hazrollaj[/caption]
Lexo gjithashtu
