Edmond Dosti njihet për zërin e tij kritik sa herë që Partizani nuk ka rezultate pozitive në fushën e blertë. Së fundmi, ish sulmuesi i kuq është zënë ngusht nga Florin Biba.
Menaxheri sportiv i kërkon Dostit që t'i japë meritat Giovani Colellës për triumfin 2-0 në derbi. Ishte dora e italianit që të kuqtë shkuan drejt suksesit. Ai guxoi duke lënë në stol dy lojtarë të rëndësishëm si Cara dhe Hoti.
"Si të duket trajneri Mondo?", është pyetja e Bibës për Dostin. Ndërsa ky i fundit ia kthen: "Ndeshjen e fituan çunat që luajtën me zemër, jo Kolera o kampion".
Ndërkohë është sërish Biba që i tërheq vëmendjen që t'i japë meritat italianit: "Unë s'e njoh fare këtë trajnerin. Dhe ndeshjen nuk e kam parë hiç të them të drejtën. Por, shoh Edmond Dostin që e sulmon hera herës dhe si tifoz i drejtë duhet dhe ta komplimentojë kur fiton një ndeshje kaq të rëndësishme. Për të qenë fair. Por, tifoz i drejtë është ai që përkrah ekipin në çdo lloj situate të mirë apo të keqe, jo orë e sekond me dhënë mend kë duhet të vejnë e kë duhet të heqin. Dhe opsioni është vetëm 1. Duke thënë gjithë këtë, atmosfera me sa pashë ishte e bukur!"
[caption id="attachment_683448" align="alignnone" width="1382"]
Komentet mes Bibës dhe Dostit[/caption]
Lexo gjithashtu
