Jose Mourinho ka folur në prag të sfidës për Europa League që ekipi i tij do të zhvillojë kundër Real Soceidad. Takimi mes Romës dhe spanjollëve do të zhvillohet nesër në “Olimpico”, në orën 18:45. Mourinho u pyet nga gazetarët për ecurinë e ekipit.
Roma po kalon një moment të mirë edhe në kampionat. Verdhekuqtë mundën Juventusin fundjavën e kaluar 1-0 dhe po konsolidojnë pozitat në katërshen e Champions. Portugezi u pyet edhe për Dybalan, pasi ai po kalon një moment fantastik me Romën, ndryshe nga paraqitjet e vjetshme me Juven, “Merita që po bën kaq mirë, i takon Paulos, shokëve të tij dhe stafit”, shprehet Mourinho.
“Ai ka gjetur një grup empatik dhe ndjen dashurinë e fansave. Unë e ndihmoj vetëm fizikisht. Ai ndihet i rëndësishëm sepse është i rëndësishëm për ne. Ai nuk është një Paulo i rilindur, por i rinovuar në motivimet e tij. Ai e meriton gjithë këtë dashuri”, ka përfunduar Mourinho.
Lexo gjithashtu
