U afrua me bujë të madhe nga të kuqtë gjatë merkatos së verës, ndërsa alternativat ishin të shumta për të. Megjithatë, sot ai e sheh veten të paaktivizuar në asnjë nga ndeshjet zyrtare të Partizanit si në kompeticionet Europiane, gjithashtu dhe në ato të kampionatit.
Renato Malota, ish-kapiteni i Kukësit, i cili u largua nga verilindorët pas katër sezonesh, ku shkroi dhe historinë me ta në sezonin që arriti në "play-off"-in e Europa League. Megjithatë, Malota prej muajit gusht e gjen veten në radhët e të kuqve, ku nuk luajti në Champions apo Europa League me ta sepse ishte aktivizuar me Kukësin dhe kjo gjë nuk i lejoi që të luante.
Por, në kampionat, i cili ka filluar prej katër javësh, Renato Malota nuk është parë me asnjë sfidë, duke qëndruar në hije, pasi Gëzim Krasniqi dhe Sodiq Atanda mbajën rolin kryesor në qendrën e mbrojtjes së "demave".
Zyrtarisht Renato Malota është i dëmtuar, ndërsa për t'u rikthyer në fushë ai duhet që të kalojë një kalvar të gjatë, sepse duhet që të eliminojë ose Krasniqin ose Atandën për të marrë vendin. Rivaliteti është i madh, ndërsa deri në momentin e aktivizimit, Malota duhet që të kalojë rrugë të gjatë. Por, deri atëherë mendohet që të ketë ardhur merkatoja e janarit, ku gjasat janë që ai të ketë menduar largimin.
Lexo gjithashtu
