Newcastle thuhet se ka bërë një ofertë prej 100 milionw euro për sensacionin e Napolit, Khvicha Kvaratskhelia.
Sipas Corriere Dello Sport, Newcastle ka ofruar 100 milionë euro për sulmuesin, i cili shënoi 12 gola dhe dha 13 asistime teksa Napoli fitoi Serinë A sezonin e kaluar. Nëse oferta pranohet, atëherë 22-vjeçari do të bëhet nënshkrimi rekord i Newcastle.
Eddie Howe po kërkon të forcojë skuadrën e tij me futbollin e Champions League në axhendë sezonin e ardhshëm. Magpies tashmë kanë nënshkruar me mesfushorin Sandro Tonali nga Milani për 70 milionë euro dhe duket se do të hyjnë edhe një herë në tregun italian.
Ngritja e Kvaratskhelia sezonin e kaluar ishte një nga historitë e sezonit. Napoli pagoi vetëm 11.5 milionë euro për të nënshkruar me reprezentuesin gjeorgjian nga Dinamo Batumi, por i riu u zhvillua shpejt në një nga anësorët më të mirë në futbollin botëror duke fituar edhe çmimin, ‘Lojtari i Sezonit në Serie A’.
Lexo gjithashtu
