E ardhmja e Juventusit pritet të jetë e errët. Skuadra italiane po përjeton një nga momentet më të errëta, pasi rrezikon të bie në Serie B. Biankonerët janë aktualisht nën hetim për dyshohet se kanë rënë dakord për marrëveshje sekrete me lojtarët e tyre për t’i paguar pagat e tyre me vlerë tre muaj, pavarësisht se publikisht deklaruan se skuadra kishte rënë dakord të hiqte dorë nga pagesa e katër pagave mujore në fazat e hershme të pandemisë COVID-19. Raportimet kanë sugjeruar se deri në 17 lojtarë dhe 60 milionë euro në total janë përfshirë në këtë. Mattia Grassani, një avokat i njohur për ekspertizën e tij në të drejtën sportive, shfaqi një pamje të zymtë për Juventusin mes hetimeve për pagesat e fshehura të pagave. Duke folur për Radio Rai1, Grassani diskutoi fillimisht ndëshkimet e mundshme me të cilat përballet Juventusi në këtë rast. “Ky mendoj se është hetimi më i rëndë në historinë e Juventusit, madje më i rëndë se ai i Calciopoli në 2006. Sjellja e paligjshme për të cilën ata akuzohen nuk ka precedent. Në nivel sportiv ata rrezikojnë më shumë se gjoba apo një dënim modest. E gjithë kjo mund të çojë në një dënim të rëndë, sepse rregulli thotë se nëse ka ndryshim të dokumenteve, siç janë letrat private, mund të sjellë pasoja më të mëdha se një ndëshkimi i thjeshtë. Rregulli thotë se nëse klubi ka hyrë në sezon falë këtyre mjeteve, ata mund të përjashtohen nga ai, mund të çojë në rënie dhe madje edhe humbje të Scudettos. Drejtësia sportive ka një afat kohor shumë të shkurtër, ndryshe nga drejtësia civile. Do të përfundonte menjëherë, deri në 2022-23, dhe do të kishte rezultate të menjëhershme. Situata me UEFA-n nuk është shumë e thellë. Edhe për UEFA-n është një situatë unike, sepse procedurat e tjera përfshinin tejkalime në lidhje me Fair Play-in Financiar. Në ato situata ka pasur një bllokim të tregut, por kjo është një situatë tjetër”, ka theksuar Gassano.

L'avvocato Grassani: "La Juventus rischia l'esclusione dalla A e la revoca degli scudetti" https://t.co/rEF4jzzYq5

— TUTTOmercatoWEB (@TuttoMercatoWeb) December 5, 2022