Legjenda e futbollit brazilian, Ronaldo (R9) ka folur së fundmi për Jude Bellingham. Ish-sulmuesi nuk ka kursyer aspak fjalët e mira për anglezin, duke shtuar që e adhuron mënyrën e lojës së Bellingham. Gjithashtu, i ashtëquajturi “Fenomeni” shpreher se nëse Mbappe do të kryente një transferim te Reali, sipas tij është e sigurtë që francezi do të fitojë “Topin e Artë”.
“E adhuroj Bellingham, dhe e adhuroj mënyrën se si ai luan me fanellën e Real Madrid. Po shënon në thuajse të gjitha ndeshjet, avancon me shpejtësi drejt sulmit dhe arrin të dallosh dëshirën e tij për të gjetur rrugën rrjetës.
Mbappe te Real Madrid? Nuk dua të flas për këtë transferim para se të bëhet gjithçka zyrtare. E di shumë mirë se të gjithë janë entuziastë për ta parë Mbappe me fanellën e Realit, është një lojtar i jashtëzakonshëm. Mendoj se transferimi te Reali është një mundësi e shkëlqyer për Mbappe, atje do të fitojë edhe Topin e Artë. Te Reali do ta mbrojnë si brenda ashtu edhe jashtë fushe”, është shprehur Fenomeni.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
