Gjatë kësaj merkato verore, shkëmbimi Dybala-Icardi ishte një hipotezë e ngritur që në fillim të hapjes së transfertave. Kur gjithçka ishte e ngrirë dhe marrëdhëniet e tensionuara, Inter përsëri u pëpoq të ulej në tryezë për të folur mbi shkëmbimin e mundshëm. Nga ana e drejtuesve të Juventus nuk u shprehën menjëherë por ka qenë Dybala ai i cili ka refuzuar menjëhere idenë për kalimin tek zikaltërit.
Paulo nuk u tregua asnjëherë i gatshëm për tu larguar tek Interi, dhe këtë nuk e bëri për çështje ekonomike apo projekti por thjesht ai ndihej shumë i lidhur me tifozët e Juventus dhe u kërkoi agjentëve të tij që mos të vlerësonin ofertat e ardhura nga klubet italiane. Bëhet e ditur se argjentinasi i torinezëve ka kërkuar që në rast largimit të transferohej tek Paris Saint Germain dhe në Itali mund të vinte ndoshta verën tjetër. Sot asnjë prej këtyre nuk ndodhi, Dybala qëndroi tek Juventus dhe për një sezon ndërsa Icardi u largua në huazim tek skuadra parisiene e PSG.
Lexo gjithashtu
