Manchester City do të sfidojë Interit në finalen e Champions League. Ky takim do të luhet në Stamboll ditën e shtunë duke nisur që nga ora 21:00. Por përpara kësaj finaleje, Pep Guardiola ka laujtur atë të dy viteve më parë kur humbën ndj Chelsea.
Duket se ajo humbje në finale ndaj Bluve të Londrës nuk është “kapërdi” akoma dhe tashmë trajneri spanjoll i bën presion Interit, pai thekson se këtë herë do ia dalin.
“Dy vjet më parë ishim atje, dy vjet më vonë jemi kthyer në finale. E rëndësishme është të jesh pas disa vitesh. Kjo është ajo që e bën një klub një klub të madh. Këtu mësova se emocioni i tepërt nuk është për ne. Do të shkojmë në Stamboll për të bërë realitet një ëndërr dhe do të përpiqemi të bëjmë një lojë të mire.
Ne patëm mundësinë dy vjet më parë, nuk ia dolëm. Këtë vit, arritëm atje dhe do të përpiqemi të bëjmë më të mirën. Ne do t’i qasemi kësaj loje si gjithmonë në Premier League. Si trajner, arrita në dhjetë gjysmëfinale të Ligës së Kampionëve dhe luajta në tre finale, duke fituar dy me Barcelonën. Jam në finalen time të katërt si trajner. Champions League më ka dhënë më shumë sesa mund ta imagjinoja ndonjëherë. Nëse jeta ime do të mbaronte sot, do të kisha fituar një si lojtar për klubin që e dua shumë [Barcelonën] dhe dy si trajner.
Shumë klube kanë shkatërruar projekte dhe ide sepse nuk arritën të fitojnë Champions. Të tjerët u bënë klube të mëdha sepse ia dolën. Edhe nëse nuk mendoj kështu, e kuptoj se gjithçka që kemi bërë gjatë gjithë këtyre viteve, e cila ishte e mrekullueshme, do të ketë kuptim për të tjerët vetëm nëse fitojmë. Nëse nuk fitojmë, gjërat do të duket se do të kenë më pak kuptim: do të jetë pak e padrejtë, por duhet ta pranojmë. Ne gjithashtu duhet të pranojmë se, nëse duam të bëjmë një hap përfundimtar dhe të jemi një klub i madh, duhet të fitojmë në Evropë. Duhet të fitojmë Ligën e Kampionëve! Ne nuk mund ta shmangim atë.
Por gjëja më e rëndësishme është të jesh gjithmonë aty. E përsëris: dy vjet më parë ishim atje, dy vjet më vonë jemi përsëri. Ne do të përpiqemi përsëri dhe gjëja më e rëndësishme është të jemi sërish këtu pas disa vitesh. Kjo është ajo që e bën një klub… një klub të madh: vit pas viti arrin në fazat e fundit të Ligës së Kampionëve dhe ndoshta fiton edhe titullin”, përfundoi spanjolli.
Lexo gjithashtu
