Partizani u ndal në një barazim shokues të minutave të fundit ndaj Erzenit në Niko Dovana. Të kuqtë po drejtoheshin drejtë një fitoreje 1-3 derisa në minutat 102’ dhe 109’, shijakasit do t’i rrëmbenin një pikë.
Dy pikë të lëna bëjnë që Partizani t’i japë mundësinë Tiranës që të marrë kreun e vetme nëse fiton nesër naj Kastriotit. Pas ndeshjes, ish-futbollisti i të kuqve, Edmond Dosti, ka reaguar mbi trajnerin Colella duke e quajtur jo të denjë për Partizanin.
“Për mua është turp i madh qe ti je akoma trajner i Partizanit. Një trajner që nuk merr përgjegjësi reale, dhe del aty qesh e flet broçkulla. Për çfarë ndërprerje flet ti, kur klubi të çoi ne fazë përgatitore në Turqi, ti plotësoi të gjitha kushtet!
Ky ekip pretendon dhe të dali kampion. Personaliteti i trajnerit është i ekipit. Unë nuk pashë ndonjë përgjegjësi të marrë nga Kolela për mënyrën sesi foli dhe nga mimika e tij. Jam vërtet shumë i indinjuar. PMTP”- shkruan Dosti.
Lexo gjithashtu
