Fjoart Jonuzi ka folur pas fitores 2-0 kundër Bylisit. Një nga shënuesit e Vllaznisë në këtë fazë të 1/8-ve të Kupës së Shqipërisë deklaroi për mikrofonin e Oversport:
“Jam shumë i lumtur sepse ishin dy ndeshje shumë deçizive. Ishte një ndeshje shumë e luftuar. Ishte e rëndësishme për të fituar sot që të shkonim më të qetë në ndeshjen e dytë.
Bekim Balaj? Është një afrim që dihet, kualiteti, karriera. E vlerësojmë shumë. Na jep shumë personalitet. Të shohim tani. Ai po stërvitet mjaft mirë. Është shumë e rëndësishme që të kemi vazhdimësi.
Pritshmëritë? Duhet ta godas më shumë portën, është e vërtetë. Në kohën e merkatos është e vështirë për lojtarin. Më vonë të del që ndoshta ekipi nuk ecën mirë. Te Vllaznia është viti i tretë. Këtu ndihem mirë. Deri tani ka dalë mirë. Të shohim më vonë. Më mbaron kontrata këtë vit. Më pas të shohim.
Kompetitivë? Kjo ka ndikuar në rezultatet tona. Asnjëherë s’kemi qenë të plotë. Tani po rikthehen lojtarët. Me ardhjen e Bekimit, presim edhe Latifin. Edhe në qendër të mbrojtjes kemi pasur probleme me dëmtimet. Kampionati është i gjatë dhe jemi në Kupë. Po të jetë grupi i plotë, bëhemi një ekip me shumë kualitet.
Presioni për Bekim Balajn? Balaj, dihet kualiteti i tij. Nëse nuk e suportojmë, nuk ka si ta fitojë ndeshjen vetë. Do të mundohemi ta ndihmojmë”, tha ai.
Lexo gjithashtu
