Sot data shënon 01.10.2017 që për shumë kënd është një datë krejt normale dhe nuk tregon asgjë. Por për të apasionuarit e futbollit dhe sidomos tifozët e Arsenalit kjo datë përkon me uljen në stol të trajnerit të tyre legjendar Arsene Wenger. Sot bëhen plot 21 vite që Arsene Wenger firmosi me ekipin e Londrës veriore. Ishte pikërisht data 01.10.1996 kur Wenger që në atë kohë drejtonte Nagoya Grampus një ekip japonez firmosi për Arsenalin në Angli.
Mbi 2 dekada në drejtimin e londinezëve, Wenger shkruajti me germa të arta emrin e tij në librat e futbollit anglez. Në këtë përvjetor vijnë disa stastistika interesante ku gjatë kësaj periudhe Wenger ka drejtuar ekipin në 1185 ndeshje duke arritur 682 fitore dhe fituar plot 17 trofe dhe duke shpenzuar një shifër prej 750 milionë paundësh në transferime lojtarësh.
Nuk do harrohet kurrë Arsenali i sezoni 2003-2004 që fitoi Premier Leaguen pa pësuar asnjë humbje duke qenë i vetmi ekip që arrin këtë gjë në futbollin anglez. Gjithashtu në vitin 1998 Wenger mori cmimin e trajnerit më të mirë në botë për atë vit. Vitet ikin dhe ata që duan që Wenger të largohet nga drejtimi i Arsenalit shtohen dita e ditës por ai sërish qëndron aty duke qenë trajneri më jetë gjatë në historinë e Premier League./Newsport.al
Lexo gjithashtu
