Raphael Dwamena është i pazëvendësueshëm tek Egnatia. Ish-sulmuesi i rrogozhinasve, ndërroi jetë në fushë, më 11 nëntor kur luhej ndeshja me Partizanin(1-1). Dwamena pësoi arrest kardiak duke shokuar jo vetëm vendin tonë, por gjithë botën e futbollit.
Prej atëherë, ndryshimi i Egnatias është i dukshëm. Me Dwamenan në skuadër, kryesuesit e Superiores numëron 26 pikë në 12 javë. Pa ganezin, Egnatia ka grumbulluar 25 pikë në 15 ndeshje.
Dwamena luajti 9 ndeshje si titullar këtë sezon dhe 7 prej tyre u fituan. Me 9 golat e tij, qëndron akoma i treti në listën e golashënuesve të kampionatit shqiptar.
Dwamena nuk ishte vetëm një kapiten, por shpirti i skuadrës që akoma kryeson kampionatin. Kujtimi i tij mbetet i pranishëm në futbollin shqiptar.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
