Armando Duka ditën e sotme ka bërë një vizitë në Pukë, si i ftuar i Kryetarit të Bashkisë Punë, Rrok Dodaj. Kreu i FSHF-së i shoqëruar edhe nga Presidenti i Teutës, Edmond Hasanbelliu diskutuan për projekte dhe bashkëpunime të rëndësishme.
Mes palëve u arrit marrëveshja që të bëhet ndërtimi i një parku sportiv për fëmijët dhe ekipet që mund ta shfrytëzojnë për fazë përgatitore. Klima e përshtatshme që ka kjo zonë e bën një nga vendet e preferuara për ekipet e kategorive të tjera.
“Me ftesë të Kryetarit të Bashkisë Pukë, Rrok Dodaj dhe klubit Tërbuni zhvillova një vizitë në Pukë i shoqëruar edhe nga Presidenti i Teutës, Edmond Hasanbelliu. Diskutuam për projekte e bashkëpunime të rëndësishme. Falënderoj kryebashkiakun Dodaj, drejtorin sportiv të Tërbunit, Alfred Pjetri, për vëmendjen dhe kontributin e tyre në zhvillimin e futbollit në këtë zonë. Ramë dakord që FSHF dhe Bashkia Pukë të bashkëpunojnë për ndërtimin e një parku sportiv për fëmijët dhe ekipet që mund ta shfrytëzojnë për fazë përgatitore, duke parë klimën e përshtatshme që ka kjo zonë edhe gjatë verës”, shkruan Duka.
Lexo gjithashtu
