Presidenti Armand Duka njofton mbrëmjen e kësaj të enjte se ka pritur në ambientet e Federatës Shqiptare të Futbollit, Konsullen e re të Hungarisë në Shqipëri, Katalin Gorog.
“Folëm për marrëdhëniet e veçanta mes dy vendeve tona, investimet e ndryshme hungareze në Shqipëri dhe intensifikimin e mëtejshëm të marrëdhënies sonë në të ardhmen në të gjitha fushat.
Sigurisht, pranova me kënaqësi edhe urimet e znj. Gorog për kualifikimin e Kombëtares sonë në finalet e Europianit “Gjermani 2024”, si edhe për zgjedhjen time si zv. President i UEFA-s”, shkruan Armand Duka.
Në përfundim të takimit, Duka dhe Gorog kanë bërë një fotografi zyrtare, teksa në dorë Konsullja e re e Hungarisë mbante fanellën kombëtare me emrin e saj dhuratë nga Presidenti i FSHF-së.
Lexo gjithashtu
