Luciano Spalletti i ka idetë e qarta për kampionatin europian. Timonieri i Italisë kërkon që fillimisht të fitojë Euro 2024 dhe më pas Kupën e Botës me “Azzurrët”. Për të arritur këto, sigurisht që është i vetëdijshëm që skuadra e tij duhet të punojë shumë dhe se tashmë në grumbullime do të jetë më i rreptë.
Një ndër gjërat e para që do të bëjë Spalletti është heqja e Play-Station dhe tashmë në grumbullim lojtarët nuk do të mund të luajmë më lojëra të tilla. Do të jetë vetë timonieri italian që do të gjejë mënyra të tjera argëtimi për futbollistët para se ata të flejnë gjumë.
"Më duhet të nxjerr një kombëtare të fortë, nuk jam i kënaqur me asgjë. Dua të fitoj Kampionatin Evropian dhe më pas të fitoj Kupën e Botës. Ne shkojmë në Gjermani për të fituar, jo për të marrë pjesë. Historia jonë e kërkon këtë. Për ta arritur këtë, unë kam nevojë që lojtarët të bëhen më të mirë. Nuk kam kohë për t'i stërvitur, ata kanë nevojë për diçka që futet brenda tyre dhe ndez “zjarrin” atë zjarr që i bënë ata të jenë spaktakolar.
Nuk fitohet me lojtarë që luajnë mirë vetëm për 20 minuta, por me ata që bëjnë shumë gjëra për 90 minuta dhe që janë të përfshirë në lojë edhe nëse vijnë nga pankina.
Disa lojtarë duhet të kenë besuar se Spalletti vetëm “leh” dhe nuk bën dot asgjë. Nëse mendojnë kështu e kanë gabim dhe tani ka disa gjëra që duhen sqaruar. Që tani e tutje nuk do të ketë Playstations, unë do te shpik një lojëra të tjera që do t’iu vijnë në ndihmë atyre për të qenë më të përqendruar", ka theksuar timonieri italian.
Lexo gjithashtu
