Janë luajtur ditën e sotme 3 ndeshjet e fundit të javës së 6-të të Superligës së Kosovës.
Supersfida e kësaj javë ishte ajo midis Dritës dhe Prishtinës. Një supersfidë, por që Drita e bëri që prishtinalitë të dukeshin një kundërshtar normal. “Intelektualët” fituan me rezultatin e thellë 3-0, duke marrë një fitore mjaft të rëndësishme përballë një rivali direkt për titull.
Ballkani i Ilir Dajës bëri detyrën në shtëpi duke fituar me rezultatin 3-2 përballë Malishevës. Një fitore e rëndësishme për skuadrën nga Suhareka, pasi vijnë nga një ndeshje e lodhshme si ajo ndaj Viktoria Plzen në Conference League.
Në krahun tjetër Feronikeli mori një fitore në mënyrë spektakolare duke përmbysur avantazhin e trefishtë të Lirisë. Rezultati pas 13 minutave të para ishte 3-0 në favor të Lirisë, teksa skuadra e Feronikelit shënoi 5 herë për të plotësuar një përmbysje fantastike.
Lexo gjithashtu
