Interi pritet t’i nënshtrohet një revolucioni të vërtetë gjatë merkatos së verës, teksa shumë lojtarë do të largohen nga zikaltërit dhe të tjerë pritet t’i vëvendësojnë.
Në këto kushte që tani drejtuesit kanë nisur punën për transferimin e lojtarëve cilësorë, të paktën në këto momente për të arritur marrëveshjet paraprake. Në listë është mesfushori i Barcelonës, Frank Kessie, me këtë të fundit që nuk e ka gjetur shumë vetën në “Camp Nou” dhe një largim në verë do të ishte mëse i duhuri për të.
Sipas “Sport” raportohet se do të ketë sëshpejti një takim “kokë më kokë” mes Joan Laportas dhe Mateu Alemanyme drejtorin sportiv të Interit, Beppe Marotta. Katalanasit raportohet se në këtë operacion dëshirojnë të përfshijnë edhe shërbimet e Marcelo Brozovic.
Nëse Kessie do të kalonte te Interi, për të do të ishte një rikthim në Serie A ku sezonin e kaluar mbajti veshur fanelën e Milan, ku edhe u shpall kampionë me kuqezinjtë.
Lexo gjithashtu
